吳彥祖再次擔任精工錶嘅代言人，早前佢更喺數碼港拍攝新一輯男裝腕錶嘅廣告，廣告商覺得佢工作態度認真，同手錶嘅特質不謀而合咁話。 呢輯廣告除咗喺香港播放之外，仲會喺星、馬、泰等地播出，呢次唔單只幫到吳彥祖增加喺亞洲區嘅曝光率喎！仲可能會令到多啲地方嘅人對佢增加認識㖭，有利佢打開當地市場。