手提電話可以話係必需品，仲幾乎月月出新款，小妹咁in梗係有幾部手機傍身。但有啲同事嚇我話手機嘅電磁波，用得多會引致腦癌。唔係咁誇呀？同香港發明協會主席張景豐講開，佢話協會嘅會員發明咗可防電磁波嘅手機貼片，噚日喺灣仔嘅香港春季電子產品展展出。
小妹噚日去咗會展昅昅，見到手機貼片發明家侯邦為，佢話呢張似紙咁薄嘅金屬片可阻隔手機打出打入時發出嘅電磁波。只要將金屬片貼喺手機背面，就可減少電磁波對人體造成嘅侵害，有效期三年。佢話唔好睇小呢張金屬片，已經攞到美國同新加坡專利，𠵱家市面仲未有得買；有與趣可致電31121328訂購，每張盛惠20蚊美金（約港幣150），先用為快。
傾傾吓，掛喺心口嘅手機突然響起，嚇咗一跳。原來係早幾日慫恿小妹參加品酒班嘅紅酒潛水會老闆蔣修文，佢話搞錯咗品酒班報名電話，正確係25682068，詳細課程可以上網 http://www.wineanddive.hk睇。
逢周一至周四刊出