容祖兒前晚頂替Twins的檔期在紅館開騷，在美國苦練舞技後，祖兒穿上性感tubetop，多次表演高難度舞藝，又和男舞蹈員大跳貼身舞，令人刮目相看。祖兒表示鍾欣桐（阿嬌）曾SMS為她打氣，令她更有信心。
容祖兒前晚在紅館舉行「StarLight容祖兒演唱會08」Part2頭場，為帶給觀眾新鮮感，她換了多套新衫，不少歌衫都頗性感。其中她穿上白色tubetop外襯毛毛長袖外套唱《逃》，站上舞蹈員肩膊再打個前空翻，由舞蹈員接着再做倒豎葱，難度甚高。
展連場勁舞
祖兒問觀眾：「好唔好睇？不過渣咗，因為綵排時我拗柴，真係想表演多次畀你哋睇。今晚有好多我喜歡嘅人嚟咗，我好高興，要做好啲。」祖兒其後換上黑色bratop外襯黑色毛毛褸，因bratop甚為緊身，跳舞時即有「谷胸」效果。
祖兒又換上黑閃小背心，和男舞蹈員大跳辣身舞，男舞蹈員摸祖兒patpat兼在她胸前上下游離，之後她單腳騎在男舞蹈員膊頭上，再向後拗腰。接着祖兒又再上演人肉運輸帶，由舞蹈員把她由尾傳到上最前，又被拋來拋去，當她唱一連串快歌時更狂fing長髮，與之前鄭秀文在演唱會上的演出甚為相似。祖兒也演唱多首慢歌，當她站在曾和她傳出斷背情的何韻詩前唱《痛愛》時，阿詩為免被傳媒攝入鏡頭，即用吹氣棒棒遮面，到祖兒和觀眾握手時，上次Part1阿詩不避嫌上前握手，不過今次卻沒有。
服藥頂腳痛
完騷後祖兒說：「左腳綵排時向內拗，搞到腫咗，漏夜去針灸，跳時唔痛，但一落台就痛，我都食定粒止痛藥。腳有好多瘀痕，好彩搽咗粉，唔係成隻腳好似街童咁。」祖兒透露綵排時蔡卓妍（阿Sa）也有來看，她很多謝阿Sa支持，有指應是阿Sa多謝她為Twins頂檔，祖兒說：「我冇諗，等佢哋有信心先做，阿嬌都有畀信心我，佢有SMS我。」至於阿詩表現避忌，祖兒稱：「梗係，唔係又俾人寫。」另外，問到有傳楊千嬅因未能得到「最受歡迎女歌星」而拒絕和無綫續約，祖兒謙稱未有這樣能力。
採訪：李珮洳
攝影：陳偉權
