名模林志玲噚日出席兩場由佢哥哥林志鴻代理嘅ARTDECO彩妝活動，為咗家人，佢當然分文不收啦，仲淡妝亮相任人摸，又跟小朋友近距離接觸。最近頻頻亮相嘅林志玲笑指接連開工係「強化大家的記憶」，下月佢就會跟隨《赤壁》大隊去康城影展，問佢會點樣性感搶鏡，佢話：「我從不覺得性感和自己有連結，因為性感應該是舉手投足之間，但我私下都很大剌剌。」