演藝界人士羅家英數年前曾與譚靜合演內地電視電影《功夫王》，昨日他接受記者電話訪問時表示，剛從廣州演藝界友人口中確認譚靜的死訊，羅家英說：「我位演藝界朋友識得譚靜，我知道呢單新聞後，就打畀呢位朋友問係咪真，佢話係。」他稱朋友口中所指女死者，正是與他拍過《功》片的譚靜。
「開工時好勤力」
羅家英表示對譚靜有印象，「因為同佢開工時，覺得佢份人好勤力，個人好正派同好靚女，估唔到飛來橫禍，認真可惜。」
有份參演《功》片的魏駿傑，昨透露譚靜片中飾演他妹妹，羅家英則演他父親，大家是一家人，但當時僅合作數天，此後未有聯絡，昨日他聞悉譚靜死訊後在電話中回應說：「好可惜，我記得佢細細粒，幾靚女，好似初出道嘅葉蘊儀，其他嘅印象唔太深，因為係成五、六年前嘅事，我對呢件事不願置評。」 本報記者