鄧健泓（Patrick）前晚舉行音樂會，他的女友李詩韻及無綫總經理陳志雲都來撐場。當主持擺陳志雲上枱開玩笑時，Patrick避忌轉話題，而事後陳志雲透露自己是Patrick的心理醫生之一。
鄧健泓前晚在九展舉行「叱咤樂壇鄧健泓音樂見聞MiniLive」音樂會，除了Patrick的母親及妹妹外，其女友李詩韻、疼錫他的無綫高層陳志雲、樂易玲、鄧上文及梁奕倫等都有到場打氣，許志安則擔任嘉賓上台獻唱。Patrick獻唱保持水準，但卻因心情過於緊張，不時顯得有點不知所措，而其女友李詩韻則像小fans般鼓掌和唱及不時向台上揮手以表支持，台上台下甜蜜溫馨。
開場時主持Mini拿陳志雲開玩笑說：「今日個show名係音樂見聞，係咪因為陳志雲嚟捧場，所以見雲呢？」Patrick聞言甚為避忌又嚴肅的說：「唔只有佢嚟捧場，樂小姐同佩華姐都嚟咗！」
暗代付律師費
至於擔任嘉賓的許志安上台獻唱時，Patrick半跪向安仔說：「Iloveyou。」安仔竟然無厘頭謂：「小心啲，唔好亂講，唔係軒仔會嬲㗎！」安仔又大爆自己是Patrick的心理醫生，當年Patrick事業低潮時曾致電給他訴苦，合約滿後又十分徬徨，安仔便介紹律師幫他查核合約，安仔說：「都唔知講唔講好，我怕佢怪我，呢樣嘢佢都唔知㗎，就係嗰陣我介紹律師朋友話唔收錢幫佢搞合約嘅嘢，其實點會有律師唔收錢，我幫佢畀咋！用錢幫人買到快樂好值得，幫你錫嘅人買到快樂就更值得。」
自認安撫心理
Patrick連聲感謝安仔之餘，並謂：「今晚有最愛我嘅人，最支持我、幫我嘅人都喺齊度，好多謝大家嘅支持。」事後陳志雲也大讚安仔的環節很感人，他說：「個騷我畀95分，因為Patrick緊張扣5分，我最欣賞佢同安仔嗰段真情流露，Patrick從來都冇提過。」在旁的Patrick謂：「其實邊有咁大隻蛤乸隨街跳呀，我知知哋嘅。」問陳志雲可是Patrick的心理醫生？他說：「佢有唔開心都會搵我傾，但係喺公司門口裝下裝下搵我囉！佢好尊重我，唔似對安仔咁，凌晨一、兩點打嚟傾。」
Patrick接受訪問時自言演出時的確很緊張，對上一次是02年舉行的音樂會，他今次故意留一些心愛歌曲不唱，是想等開個人演唱會時再唱，問他是否想在紅館開騷？Patrick說：「順其自然啦！」
問陳志雲可會支持Patrick在紅館開個唱？他說：「我哋支持每一位同事，Patirck嘅演藝發展好，即係幫公司又幫佢自己。」
採訪：何慧斯
攝影：黃文成
