「俾男友偷咗20萬，好傷心」心痛的Mimily網上求助，她跟同居男友拍拖五年，辛苦儲下私己預算開舖頭，近日發現他偷用其提款卡盜取20萬，「我好驚！究竟同個乜人一齊？佢係公務員，報警驚無埋份工，連錢都冇得還。」樓主更擔心情緒病受影響，「好想要番啲錢，唔報警可以點做？」
「人心隔肚皮」
眾姊妹齊斥該「賤人」乃賊，勸她立即報警。「澄」提醒：「人心隔肚皮！」樓主指男友稱炒股而行差踏錯、且是病態賭徒！「dc」厲聲斥責：「張卡放人哋屋企？佢係變態賭徒定病態賭徒？錢你想追，男人又想要？十個賭仔九個唔改！」
樓主指自己身體欠佳，男友不離不棄照顧，「接受唔到突然咁，佢想改善生活，佢阿媽少個崩家用都唔肯，佢一時諗歪去博，蝕咗想追番。」樓主續護短：「佢平時好慳！新年先買一次衫，唔食煙，放工放假即返家陪我，故好信佢！但原來呃我，好矛盾！」網友苦勸：「清醒啲，嘥咗五年、廿萬唧，你仲有青春！」
http://www.beautyexchange.com.hk/revamp/forums/read.php?6 ,3849887,page=1