花旗股市腳軟，上個禮拜五大跌收市，金融股嘅業績將陸續公佈，但係股民選擇唔等，仲要沽定先，如果公佈嘅業績比預期差，花旗股市嘅沽壓相信會大增。
今早港股料會低開，但低開幾多就要睇吓國內股市嘅表現，如果唔係跌得多，恒指好可能只會低開幾百點，不過，港股短期嘅技術走勢啱啱轉好，照計唔會咁快跌番落24000關樓下。
內地銀行股第一季嘅業績比預期好好多，其中一個原因係新嘅企業所得稅實施，銀行業受惠，而交行（3328）係最受惠嘅銀行之一。
交行C輪5775：交行上周五收10.52元，升咗接近5巴仙，大成交升破100日線，升浪可以睇12.8元樓上，可以諗吓隻C輪5775，現價25.5仙，槓桿率4.1倍（有效3倍），正股升上12.8元，5775可見44仙，正股跌穿9.8元，隻輪沽出止蝕。