第27屆香港電影金像獎昨晚在尖沙嘴文化中心舉行，一眾女星打扮得花枝招展，紛紛以性感鬥出位，當中以忽然有料的梁詠琪（GiGi）和真材實料的舒淇低胸露乳溝，成為全場焦點。身為主持之一的鄭秀文（Sammi）則大反傳統，以巨型煲呔襯黑色西裝上陣，成功突圍而出。
昨晚在文化中心舉行的金像獎頒獎典禮，出席的候選演員和嘉賓均盛裝踏上紅地毯，一眾女星更是出盡法寶，實行要以最靚一面突圍。其中最搶鏡和性感的，莫過於身穿Valentino晚裝的頒獎嘉賓舒淇和穿上Loewe低V長裙的梁詠琪。向來身材平平的GiGi被問到是否「谷胸」上陣時，她笑說：「我不嬲都有，只係平時少咁着。」
Stephy被踩
圍觀市民大彈肉酸
楊采妮（Charlie）也不甘示弱，真空上陣穿了一襲價值數萬元的Versace湖水綠晚裝，露腰又露背，手上更戴上Tiffany戒指，明艷照人。三位司儀中，吳君如和鄭裕玲都以性感打扮上陣，君如胸前大低V，她笑說：「冇嘢睇，如果有兩嚿叉燒包就唔使咁deep啦！」鄭秀文則放棄性感女性打扮，改以巨型煲呔配黑色西裝的中性打扮示人，她說：「我諗個個女仔都女性化打扮，咁我咪男仔啲，俾人搶鏡都冇所謂，條褲夠闊遮住我震緊對腳，好驚，腦海一片空白，冇諗過咁驚，有啲後悔。」
袁詠儀則穿一條香檳金晚裝與老公張智霖齊行紅地毯，她表示為了穿這條裙，足足節食了一個月，減到沒有肚腩以最弗狀態現身。應采兒穿上黑低胸晚裝示人，上圍甚有睇頭，她笑說：「不嬲都有，咪咪係時候要同大家sayhello，蘇醒好耐，媽咪都叫我騷出嚟，過幾年就太遲，我諗小春返嚟見到會嘩一聲。」
雖然大部份女星均明艷照人，但當鄧麗欣（Stephy）穿着黑色閃裙落車時，即被現場市民狂踩：「嘩，好肉酸呀！」
擔任頒獎嘉賓的梁朝偉和林建岳，乘坐林建岳的Maybach房車到場，對於有傳偉仔會在頒獎禮現場向劉嘉玲求婚，他笑說：「你估拍戲咩？嘉玲喺台灣，真係大整蠱，拍戲就有啫。」問到他今年會否求婚或結婚，偉仔一概說：「計劃緊。」嘉玲昨晚則在台灣出席連戰之子連勝文的囝囝滿月宴。
趙薇失色
打扮平凡唔啱場合
著名設計師鄧達智昨晚指今年紅地毯上無大驚喜，但讚揚張靜初是「靚裙靚女人」人辦，他說：「張靜初好有驚喜，腰細比例靚，裙長度別致，fresh得嚟又唔娘。」他也大讚莫文蔚（Karen）的裙漂亮，他說：「條裙係全場最好，又有Karen自己性格，但啲頭髮好似一把地拖咁，唔該紮起或者打散晒。舒淇係靚，但唔夠突出，上半身冇問題，下襬就太亂，比例有問題。鄭秀文一向穩重，中性打扮見過，大煲呔就多咗啲幽默感。」
鄧達智又批評趙薇的短裙造型不合場合，他說：「條裙本身係靚，但唔grand，個頭又係，夾埋好似去食飯、去party咁，太普通，唔啱場合。」
採訪：何永寧、陳月萍
攝影：林德雄、仇志德、葉君海
