香港大學幾年前度出籌款新橋，善長捐出1,000萬元畀學者，就可以冠名一個「明德教授席」，呢個殊榮今年頒到第三屆，今年八個「明德教授席」由醫學院囊括，張德輝、韋霖、蘇國輝、陳立怡、陳德茂、何樹良、林大慶同吳呂愛蓮獲得「明德教授席」，獲得嘅捐款可以用嚟做研究或聘請研究人員。
捐贈「明德教授席」最低消費每位1,000萬元，加上政府同額配對基金，即係港大可以籌到1.6億元，今次八個「明德教授席」捐款者包括商台大老闆何佐芝，以及早年捐出大筆錢創辦港大嘅富翁陸佑孫仔、孫女陸容威教授同陸元堅女士，名人飯堂福臨門掌舵人徐維均兩個仔女都係醫生，所以都捐一個教席回饋港大。