喺91年開始做教協會長嘅張文光噚日繼續冧莊，佢嘅內閣以超過95%嘅得票率成功連任，比上屆、即係兩年前嘅93%得票率仲高咗。張文好多謝教協會員對佢哋咁支持，所以即時都send咗電郵畀各會員講聲thankyou。
成功連任嘅張文坦言教協會長唔易做，因為會員人數多達八萬，要兼顧嘅範疇好多，唔瞓身真係搞唔掂；至弊係教協會長又係義務性質冇錢收，如果要放棄教學工作去出任，試問又有幾多人肯制？就係呢個原因，令到唔少年輕一代都唔肯接班，所以張文呢種馬拉松式冧莊，唔多唔少都係為勢所迫。
既然繼續做，張文話嚟緊兩年都會好好服務會員，為佢哋提供更多「貼身服務」。