北京最高指示形容今年立法會選舉「影響深遠」，中聯辦奉旨辦事出「行」力幫自己友拉票，其中會計界公民黨譚香文係重點狙擊對象。有數佬同八方講，近排中聯辦頻頻出招，大搞廉價內地考察團，最平100蚊全包去珠三角考察，有人話極有機會參選嘅前任會計師公會主席陳茂波好多時都隨行，同行家聯誼聯誼。
除咗北上考察，公會未來兩個月舉行多個講座，數佬個個挑通眼眉，睇到波波唔係講座嘅主持就係講者，都心中有數知道公會搞邊科啦，加上講座嘉賓有中聯辦經濟部副部長，又有國家財政部稅務司司長、國家財政部會計司司長等高幹，中央對波波寄予厚望，不問可知。