已故藝人沈殿霞（肥姐）昨晚獲金像獎追頒專業精神獎，由女兒欣宜代領，她上台時先深吸一口大氣，然後說：「多謝大會頒發呢個獎畀媽咪，好多人話媽咪係敬業樂業嘅演員，今日得到呢個獎，係得到大家嘅肯定，我相信佢同我一樣都會開心。我知道媽咪真係好鍾意佢嘅工作，每一份job都做到最好，全情投入，可能就係呢一份熱誠，令佢表現專業。媽咪為我留低咗一份最珍貴嘅禮物，就係佢嘅工作熱誠同專業態度，呢一份禮物永遠都會係我嘅榜樣。」
欣宜在事前接受訪問時表示心情甚緊張，因要上台致謝辭，又謂有用SMS通知父親鄭少秋關於媽咪得獎一事，並透露家中有供奉媽咪的靈位，每日會奉上生果及鮮花，昨日她對媽咪說：「媽咪你喺金像獎度得咗專業精神獎，我會代你上台領獎，你要保佑我上台講嘢好啲。」
蕭芳芳悼故友
大會昨晚並播放蕭芳芳悼念故友的短片，她謂得悉要錄製片段前一天，曾在夢中聽到肥姐的笑聲，因而有感是肥姐報夢給她。