王菀之、陳柏宇昨日與ILoveYouBoyz出席在九龍灣舉行的「第十屆全港中學生烹飪比賽」開幕典禮。對於有報道指張敬軒媽媽大讚王菀之人品好，可惜與軒仔有緣無份，王菀之說：「其實好似軒仔咁講，大家永遠保持呢種關係最開心，雖然男同女之間好難做到，不過我哋真係好得好緊要，係非常好嘅朋友。」
前晚王菀之於將軍澳電視城錄影《盧冠廷天鳥回歸音樂會》，被問及近日關智斌談到張敬軒家中短敍時，她說：「傳咗好耐啦，我梗係唔信……唔係唔信，直情唔係呀。」問王菀之有否試過夜訪軒仔，她坦白說：「有，成日一齊睇碟㗎。」是否只有兩個人？她說：「係。」至於譚詠麟問軒仔可是雙性戀？她笑言：「校長只係搞氣氛。」那麼她是否可以接受到軒仔這樣？她表示：「佢乜嘢我都接受，要咁傳法我可以做乜？得啖笑囉。」
Donald讚女友廚藝
此外，ILoveUBoyz的Donald直言愛吃多過煮，全因家中有人代勞，他笑言：「我平時鍾意食辣嘢，但屋企嗰個就唔鍾意，佢最鍾意係整肉餅。」被追問所指是否緋聞女友張詠恩（Jan）？Donald搶先說：「我冇講過係阿Jan呀！我係話我阿爸啫！」不過，Donald被問到緋聞女友的廚藝時，他卻說：「佢最叻係煮雞翼同肉餅，而且仲一手包辦埋洗碗。」
採訪、攝影：何慧斯