公民黨最近食住潮流，做咗段「好在仲有公民Rap」短片，呼籲市民登記做選民。平日優雅大方嘅公民黨黨魁余若薇，喺段片度跟住節拍跳來跳去，相信大家平日好難睇到。會計界嘅譚香文負責Rap金融經濟內容，令唔少黨友諗起幫農夫Rap嘅麥玲玲師傅，毛孟靜、湯家驊慣咗做主持同唱歌，Rap最啱Beat。最大驚喜係鄭宇碩教授，估唔到呢位學者Rap得之餘，仲識做埋黑人Rapper嘅手勢，大家有興趣可以去 http://www.civicparty.hk/cp/pages/headline/cp_vr_rap.php睇吓。