近日正在拍攝無綫劇集《學警狙擊》的謝天華，扮演一名社團揸fit人，昨日他與周海媚在中環拍攝一場被追斬的場面，天華以一敵五挺身護花，半百圍觀途人齊為他的敏捷身手拍手歡呼，已有六、七年沒拍古惑仔電影的天華，原來「寶刀未老」。
謝天華和周海媚（海味）昨日在中環威靈頓街一帶，為劇集《學警狙擊》拍外景，劇情講述黑幫大嫂海味被五名手持西瓜刀及球棍的黑衣人追殺，天華見狀挺身保護她，成功退敵，看得圍觀的半百途人拍手歡呼。
拍打戲俾人撩
天華昨日拍攝前先做了一輪熱身運動，又笑言新劇是近年打得最多的一部，他說：「返到屋企老婆都有問我點解手瘀腳瘀，今次令我重拾以前拍《古惑仔》嘅感覺，以前成日喺街拍呢啲追打場面。」
問天華多年沒拍打片可感壓力時，他說：「都有㗎，好耐冇咁打，啲招式可能唔同晒。我拍呢啲打戲都有俾人撩，問我係咪真係咁打得喎。」海味也大讚天華說：「佢唔止跳舞叻，仲好打得㖭。」
採訪：卓寶花
攝影：黃文成