台灣嘅強辯樂隊噚日去咗上海梅龍鎮廣場宣傳新碟《小霸王》，師姐梁靜茹（右一）專程到場為佢哋打氣，認真唔話得！佢仲喺現場派「好人卡」畀四位師弟，原來呢個係台灣人嘅習慣，如果一個人對某人冇興趣，又唔想咁白去傷人心，就會讚佢係好人，但就講明雙方唔適合，果然好坦白喎。 梁靜茹雖然派好人卡畀四個師弟，但佢哋一啲都唔介意。