百幾二百蚊搵人修眉，貴唔貴？見仁見智啦！皆因就算價錢有幾貴兼兩個禮拜要修一次，眼見有關修眉美容專櫃依然長期FullBooking，唔係因為香港女人錢多，只係大家都明白眉毛直接影響妝容和面部輪廓，就算妝容有幾靚，眉形唔夠靚，只是徒勞。今次搵嚟星級化妝師GaryChung教路如何修靚眉形加埋畫眉小Tips，配合夏日粉紅珍珠妝，即偷師啦！
記者：陳諾堯
攝影：伍慶泉
Model：CatherineA.@Dreamodels
MakeUp：GaryChung
Hair：AlexChan@Huge
靚眉CheckPoint
天生眉形唔夠靚，不妨以畫眉方法補救，記住三個靚眉CheckPoint，選啱用具，畫眉好Easy！
首先眉毛顏色較淡者可選用眉粉，相反就可使用眉筆勾畫眉形，顏色可選比頭髮淺一度的畫眉產品，記緊將多餘的雜毛拔掉，Keep住100%適合自己的眉形，這樣化任何妝容都可更精靈有神！
先用眉筆，以眼眉的三個重點位為準，勾畫眉形。然後輕力一筆筆畫上，再用螺旋眉掃頭掃開。
眼眉淡色的人，建議用較深色的眉粉填眉，再用淺色塗在眉骨位作Highlight。
最後用眉Gel定型，作用似HairGel以固定眉形之用。
粉紅珍珠
今夏潮流興粉紅，化妝品牌Est囗eLauder就以PearlofLight為主題，玩盡又粉又閃的珍珠色。Gary仲話化PinkPearl妝容，可令人看來更加Feminine及高貴。
男直女彎
如果想擁有一條永恒啱比例的眉形，Gary話必要記緊眉頭、眉山和眉尾三個位置的比例，除此之外，亦建議多留意潮流，選一條適合自己的眉形。「畫眉最緊要跟住自己的眉形繪畫，而眉形的粗幼，就可以參考當季時裝展的潮流！女仔可以使用比頭髮本身顏色淺一度的畫眉用品，相反男仔就要用深一度，而且男生的眉要畫直線，唔需要畫彎形。」
查詢：Est囗eLauder（21968493）