九八年四月十二號，對畢傑嚟講係個極重要嘅日子，呢一日係我人生嘅轉捩點，學識點樣負責任，學識點樣做大人。劉華有首《十年》、俗語有十下十下、買嘢有十蚊店、足球員有十號、雜誌有《十隻白X》……呢一刻個「十」字對畢傑嘅意義，係十年，係一個循環，亦係一個新開始。
我好似喺度發噏風咁，係因為今期〈畢睹翁〉個版位大咗，搶咗戰友賴恩個地盤寫專欄；我冇佢咁多時事觸覺、冇佢對政壇嘅抱怨、冇佢對林峯嗰首《愛在記憶中找你》咁有感覺。畢傑腦入面裝嘅全部係足球。
睇咗超過十年波，踢波更加超過二十年，我貼波有時都會代入角色。禮拜六伯明翰對愛華頓，就算代入邊隊嘅球員入面，都肯定和波唔收貨，貼士同〈早飛王〉一樣，要「大」。
大細：伯明翰大
心得：兩隊和波唔收貨
近5場往績：輸贏輸輸贏
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。