盛傳已與組合V6成員岡田准一分手嘅日本女星蒼井優，近日埋首拍攝新劇《阿仙》。前日劇集舉行記者會，劇中扮演日本料理店年輕老闆娘嘅阿優特別着上和服，別有一番韻味，但唔知係咪受分手影響，佢竟然儍更更全程笑個唔停。阿優話喺劇集開拍兩星期前特別到料理學校學習烹飪同刀法。負責唱主題曲嘅尊尼組合瀧與翼成員瀧澤秀明更專程向有份演出嘅師弟內博貴打氣。