【深圳直擊】梁詠琪簽約新公司後，昨日首項任務乃為內地一時裝品牌擔任代言人，到深圳主持開幕禮，卻被踢爆是執二攤，頂替受淫照風暴影響的張栢芝。
梁詠琪昨日以代言人身份，於深圳為內地服裝品牌Corona主持新店開幕，不過，品牌的公關公司忽然向記者透露，梁詠琪的代言人位置原屬張栢芝，雙方更已開過幾次會，但後來因爆出淫照事件，品牌怕內地市民抗拒栢芝，所以改以七位數字請梁詠琪擔任代言人。
執二攤的梁詠琪早上11時開始連走三個場地，一抵埗即巡舖，再而剪綵及行騷，但因場面太混亂，活動場地塞滿千人，她多次被迫走入VIP房，本來行騷時要示範兩套衫，但因人多混亂，阻延了進程，最後她趕不及行騷，改為接受獻花了事。由於場面極之混亂，同場的陸詩韻、康華、陳自瑤等更加無人理。
取消剪綵行騷
昨日下午三時，梁詠琪趕返香港，與鄭秀文（Sammi）在時代廣場出席香港世界宣明會的宣傳活動，對早上在深圳出席活動時場面混亂，她說：「現場真係好混亂，原本大會安排晒嘅剪綵、行騷都冇做，啲保安都叫我『快啲快啲！』我上咗台一分鐘就走咗。」對傳收下七位數字酬勞，梁詠琪不置可否，只說：「呢個係簽新公司後嘅第一個job，收入唔錯，公司開心過我！」對被指因張栢芝被飛，她才執二攤，梁詠琪說：「呢個我冇聽過喎，不過點都好啦，最緊要係適合，以我所知，呢個品牌標誌活力，我自問都適合囉！」
望華仔做影帝
此外，Sammi提到今晚為《香港電影金像獎頒獎典禮》擔任司儀，她直言：「多謝大會冒險畀呢個機會我，不求有乜表現，但求唔好搞破壞平穩過渡。」提到睇好誰榮登應屆影帝及影后寶座，Sammi就表示支持斯琴高娃和好友劉德華。
採訪：曾小嘉、卓寶花 攝影：陳偉權
