做娛樂圈除咗靠運氣，都要睇吓自己有冇條件，做女藝人梗係要靚女啦，而年紀最好有咁後生得咁後生，正所謂青春無敵！嗱！好似最近嗰兩個新紮嘅天橋妹「珍妹」同「少女BB」，新女上場梗係特別多人留意，而且佢哋已經有男朋友仔，少女BB有個冇乜知名度嘅男友「威仔」，而珍妹亦有個肥仔男友，佢哋成日四人行約埋去街。
趕去洗手間
有一晚佢哋四個又出動，今次係去銅鑼灣一間酒吧，咁啱間酒吧係關仁啲朋友開嘅，話說間吧啱啱開門做生意，佢哋一行四人就嚟幫襯，可能人有三急，其中一個靚女去咗洗手間，冇幾耐有個酒吧員工跟住入去洗手間，就發現喺廁所板度留下成撻血迹，唔使問，梗係女人有幾日唔方便嘅日子啦！個員工覺得呢個靚女好冇公德心，要人幫佢執手尾，呢啲嘢要自己小心先得㗎，如果個個靚女好似佢咁，容乜易搞到廁所血流成河！
Textby關仁
