「可曾記得，多少次受惠於畢傑西甲及英超早飛的高水準推介……」呢個係當本報名家畢傑喺12月榮膺擂台冠軍後，我所撰嘅總結。我唔係「福仔」，冇龍陽之癖，但從來欣賞屢次帶挈捧場客嘅畢傑，𠵱家佢因為一時手風欠順，虎落平陽慘遭牛鬼蛇神揶揄，天理何在？
我今日喺AA1推介嘅伯明翰「大」，一半係自己心水，另一半係撐呢位名家好友，擂台亦難得重插一次。同買股票甚少高追一樣，貼波高追非我所好，今次就信態弱嘅畢傑。假如唔中，傑仔，你將來結婚份人情……。
大細：伯明翰大
心得：信畢傑、信我
近5場往績：贏贏贏輸贏
藍鑽石
忙於為與簡拿華路同日生的囡囡換片、掃風，但睇意甲，一場都不能少。