扮靚事業搞得有聲有色嘅「綠山」，近年因為搵到錢，加上有多少江湖地位，所以氣燄唔小，為咗傾生意成日周圍飛嘅佢，唔少空姐都見識過佢嘅囂張態度。早排綠山去佛寺國玩兩日，由於正值復活節黃金假期，機位爆到七彩，佢回程時諗住自己坐商務位就大安旨意，未有確定機位就衝去機場，偏偏機位爆晒，航空公司人員同佢講商務已經冇位，如果佢堅決坐指定航班，惟有坐經濟位，綠山當堂扯晒火，喺櫃位狂鬧一餐後，最後咪又係要死死氣上機，但佢極唔忿氣，一入機艙經濟位就大大聲聲好不屑咁話：「我俾人downgrade落嚟，坐經濟位呀！」其實坐經濟位並唔失禮人喎，難怪全艙人都勁睥佢，覺得佢超冇禮貌。
Textby關仁