「法拉利」無論係車隊抑或係車款，都絕對係響噹噹兼家喻戶曉，兩者間關係更密不可分，因為車隊要靠銷售街車為生，而F1車隊可以紅透半邊天就同個貝殼不無關係。以貝殼為商標嘅Shell專為法拉利車隊研發專屬汽油，令賽車能得以發揮極致性能而奪魁，平凡人如我要成為賽車手簡直係天方夜譚，之不過今次走到意大利法拉利總部Maranello落Track揸F430就一定係創舉，事關呢次活動係拉利首次與其他機構合辦，仲要係首次有亞洲地方嘅女性可以咁樣玩法兼直闖拉利廠大開眼界㖭喎，落Track係就係蟻躝咗啲，起碼試過，無悔囉！
文、攝：梁美甜
部份相片提供：ShellHKLtd.
鳴謝：ShellHKLtd.
首度實試 教練同車
今次由Shell贊助同法拉利合辦嘅「ShellV-PowerDayofPassion」60周年慶祝活動，帶咗全球50多位記者直闖法拉利總部，即意大利Modena附近嘅Maranello落Track。聽聞自己仲係亞洲首個女性藉由呢類活動揸法拉利喺FioranCircuit競賽，仲要有真賽車手做Instructor教揸車兼傍住！甫上車，心跳快到暈，唔知係緊張定興奮，話畀Instructor聽，回應係：SoIamhere！咁體貼梗係放心，成世女點都要落Track揸轉法拉利喇！
自問對F1Gear唔熟，之前話邊個彎用咩波段完全唔記得，最終都係㩒咗Auto嚟玩，一踩油「轟?轟?」即飆。輕轉軚，部車即嚟，反應快都不特止，仲要相當穩定而利落；無他嘅，F430基本上同落場比賽嘅F1車差不多，略修改外形線條同配件成為街版，所以副V8引擎同F1波箱，輸出馬力高達490匹，勁到暈！加上賽道有大直路兼大細彎位，個個人都當自己係F1車手，大直路狂飆，百幾二百米衝住嚟。有晒標記指示路線方向都好，我始終係第一次，點都揸得小心啲，雖不至於蟻躝，都要讓路畀佢哋過喇，瘀就瘀咗啲，Idon'tcare，最重要係經驗難忘！
F1車手轟住飆
「工欲善其事，必先利其器」，尤其係競爭性強嘅F1賽車，法拉利同Shell油公司合作研發專屬拉利賽車用油，用啱工具要贏有幾難！法拉利深明此道，仲搵埋F1車手兼車廠御用試車手MarcGene實試畀大家睇，唔使用腦，用眼睇同用耳聽都知個分別囉，只係估唔到個分別咁明顯啫！結果對我嚟講唔重要，反而係可以近距離見到成隊技術人員為F1車清理同換油，超快兼有效率，現場嗰份震撼同張力真係講唔到，淨係可以話，好正！
狂飆有法
大家都聽過揸拉利要上堂喇！今次仲巴閉到請嚟拉利旗下DrivingSchool嘅CourseDirector嚟教揸最快最安全嘅行車㖭！
囗NormalDriveLine：
平時路面行車路線，規規矩矩唔使旨意揸得快。
囗GeometricDriveLine：
以幾何方法得出最快嘅路線，係就係好快不過唔安全。
囗FastDriveLine：
F1賽車超高速，幾秒鐘相差嘅隨時係幾百米，呢條路線，喺彎前比囗遲收車，進入近乎直路嘅彎位就算落重Brake部車都唔會失控，以慢入快出原理，近乎直路至出彎，可以直軚出彎踩盡油狂飆都無問題，制動時間少速度快兼安全。
我唔係車手，所以理論歸理論，臨場只係跟雪糕筒飆，都唔知係咪行緊最快路線囉！
揩油有着數
之前聽人話識用油都可以慳番唔少，今趟由技術顧問講解我都未信，到做埋實驗畀我睇至肯信好油除可以清理引擎之外，真係可以令副偈發揮到極致性能㖭。就算係幾手車或者等「收工」車都好，想部車發揮得到兼慳得到都用得着，更何况呢種V-Power汽車同人哋部F1賽車用緊嘅油有99%相近，叨佢哋光，想部街車有超性能表現有幾難？
F430規格
引擎：4,308c.c.V8
馬力：490hp/8,500rpm
扭力：465Nm/5,250rpm
傳動：六前速手自排連F1撥片
車重：1,450kg（歐洲版）
極速：315km/h
0-100km/h：４秒