無綫兩位花旦徐子珊和鍾嘉欣，分別憑電影《跟蹤》及《十分愛》獲提名金像獎的最佳新演員，有消息稱該獎已是徐子珊的囊中物，她昨日到九龍灣出席港姐招募活動時說：「其實一直都有唔少朋友同埋同事打電話畀我，個個都話睇好我，搞到我好緊張同有壓力；但係我𠵱家唔諗咁多，啲衫同首飾都已經預備好。」
鍾嘉欣互相支持
鍾嘉欣近日忙於趕拍無綫新劇《溏心風暴之家好月圓》，她昨日還是抽空到中環ifc的Valentino挑選今晚行紅地毯的戰衣，嘉欣說：「我會揀一條白色低胸露背嘅長裙，襯金色高踭鞋，六福珠寶仲會贊助我近百萬嘅鑽飾。」問到嘉欣的心情？她說：「我好緊張，新人獎我睇好徐子珊，不過我自己都有信心，其實我由一個電視新人有機會提名金像獎，已經覺得好榮幸。」
採訪、攝影：何慧斯、比華利