一向擅長做可憐人物嘅老戲骨「肥狗」，過往曾演過好多相類似嘅角色，佢都做得維肖維妙。肥狗最近過咗檔三色公仔箱，大家以為佢洗底唔扮可憐蟲，點知佢喺新劇嘅角色，雖然唔係可憐蟲，仲係好搞笑幸福嘅肥老公，點知肥狗嘅演繹方法，竟然千篇一律，無論演乜嘢角色，佢嘅表情都維持不變。
肥狗仲恃住自己係老大哥，後輩個個都叫佢做阿哥，但肥狗每次開工都指生晒，仲私自改劇本同教人做戲，可惜佢嗰套已經不合時宜，搞到班後生仔都唔知點算，於是同過佢合作嘅藝人都怕鬼咗佢。關仁覺得做藝人一定要向前看，如果成日停留喺以前嗰幾道板斧，咁就遲早俾人out。
Textby關仁