喺廣告界好吃香嘅韓國女星金泰希，前日以相機代言人身份，出席首爾國際會展中心嘅數碼展並舉行簽名會。希妹嘅出現吸引大批fans圍觀，平時被人影慣嘅佢，仲親自教授相機保養同拍沙龍照技巧㖭！ 另外，希妹最近為代言手機拍咗輯靚相，硬銷高貴同活躍一面。唔經唔覺希妹成為手機代言人已經5年有多，以佢廣告合約一年約700萬港元嘅身價，呢幾年真係豬籠入水啫！