英冠升班戰進入白熱化，持續亂局，今周重心推介排第3位的侯城同第6位的水晶宮，分別殺退踢風流波嘅昆士柏流浪同差不多「判死」嘅斯肯索普。
掃晒餘下5場穩升超聯
小弟自信英冠貼士見得吓人，只因信一分耕耘一分收穫，累積多年觀賽及留意各隊軍情經驗得來，所以除荷甲外，英冠必屬最愛下注嘅聯賽；就算馬會不知所謂，無厘頭濫開日乙同南韓聯賽，甚至將來開埋英乙同澳洲聯，我都會無動於衷，學古天樂在電影《黑社會》中苦口婆心對大佬講，「咪再賭啦，又唔識又要賭！」
廢話少講，今次先選近4戰全勝，升至第3位有「老虎」之稱的侯城，「夫添」兼旗下雙箭頭費沙甘保同卡雷布科蘭着晒火，愛隊昆士柏流浪已完成任務，只攻不守踢法，注定今場難逃一敗，繼續踢風流波咯。波友要留意，侯城在餘下5戰全贏，必可在104年以來，首次升上頂級聯賽，而據報來季季票已售出一萬張，此刻氣勢如虹，不宜作對，博多注50倍嘅「主其他」波膽。
水晶宮爭升班大「斯」殺
至於水晶宮，除了牛頭角順嫂都知道佢哋為季尾躋身入前6，戰意特濃外，主要在上仗直播戰捱夜目睹該隊爆冷擊倒史篤城一役，令小弟印象深刻。
其中借得車路士優質產品、19歲前鋒史葛冼佳亞在前線發動攻勢，帶起一眾後生仔如索亞里斯、賓屈臣及域陀摩西斯，令大熱的升班馬史篤城疲於奔命，今返主場對餘下4場差不多要全勝方能免降的斯肯索普，1.6倍W穩執，貪心博埋「主勝」。
近5場往績：輸贏贏輸輸
蘋果波神
英超波癡有一個心願，5月話你知！