葉翠翠和寇鴻萍女兒唐貝詩，昨日一身Lolita打扮，到一連鎖超市出席日本零食推廣活動。雖然兩人裝束性感程度相若，不過較為纖瘦的葉翠翠卻不敵經常俯身的唐貝詩。
近日經常出席公開活動搵真銀的葉翠翠，與今年19歲、趁復活節假期回港度假的寇鴻萍女兒唐貝詩，一同到又一城出席日本美食推廣活動，大會又安排兩位小朋友穿上傳統日本和服出現，十分可愛。
翠翠遮遮掩掩
葉翠翠和唐貝詩以Lolita打扮出現，性感扮相吸引不少途人駐足圍觀。兩人因低胸打扮本來十分小心，但美食當前之下，唐貝詩不時俯身致令胸前「失守」，不慎露出野性豹紋胸圍邊，相反葉翠翠則較小心，不時用手上的咪遮掩。事後兩人分別接受記者訪問，密密接job的葉翠翠謂正努力搵錢置業。曾到外國升學的葉翠翠笑說：「外國啲人好鍾意叫nanny（保母）着呢種制服㗎，好在以前我讀書幫佢哋湊小朋友冇叫我着，唔係就頭都暈埋喇。」提到打扮性感時，她續說：「呢件衫係大會安排，手造㗎，性感可能都係因為視覺效果問題啫」。
月底返英開學
昨日大騷美好身段的唐貝詩，透露將於月底起程回英國開學，她說：「27號飛，一返到去就要考試喇，但係26號仲會同媽咪一齊行fashionshow。」在求學階段的貝詩提到工作賺錢是為了投資，自去年暑假開始，間中工作已令她賺得6位數字酬勞，她說：「希望7月生日嘅時候可以有7位數啦，不過其實唔係完全為錢，係想有啲工作經驗啫。」
採訪、攝影：藍文浩
