呢期做體育迷認真唔得閒，周四放假，先深夜欣賞基達菲對拜仁慕尼黑呢場歐協盃激戰，拜仁靠東尼做救世主，加時入兩球迫和3:3，憑作客入球優惠淘汰基達菲；休息唔夠3小時，又欣賞NBA西岸季後賽出線大戰，金塊又有戰神艾華遜做英雄，作客擊敗勇士，趕上季後賽尾班車機會好大。
記得馬刺後衞柏加同巴塞前鋒亨利係老友，當年馬刺入決賽，亨利有飛去聖安東尼奧捧場；不過NBA嘅馬刺，出名防守力強，但英超另一支刺：熱刺就唔係好守得，今周對米杜士堡，又要出手入球「大」。
大細：熱刺大
心得：雙方冇壓力繼續鬥攻
近5場往績：輸贏輸輸輸
牽牛
施丹退休，頓感失落，期待阿仙奴的法比加斯他朝有此神乎奇技。