鍾舒漫昨日到新都會廣場出席「青年就業起點起步禮」，她表示入行前曾做過侍應、鋼琴老師及補習老師，她自爆有次見工忘記將口中的香口膠吐出，她說：「嗰時我見過一份寫字樓工，我唔記得咗自己𡁻緊香口膠，一路見一路都𡁻緊，到臨走前個老闆就同我講，下次見工唔好𡁻香口膠，嗰一刻我覺得自己好唔尊重人。」