組合at17的林二汶近日出了漫畫文集《肥妹與脂脂肪肪》，故事講述一個肥妹的日常生活，引發二汶寫這本書的原因是一單肥妹被人打死的新聞。
二汶日前說：「我好記得之前睇過一單新聞係有個肥妹俾人打死，睇完好強烈嘅感覺點解肥人要俾人蝦，所以我好想寫本書話畀大家知，肥人唔係一定要做弱者，問題在於你點樣睇自己，如果連自己都睇唔起自己就好有問題。」
幸得家人保護
多年來二汶沒有因為肥胖而自卑，全因家人十分保護她，她說：「我阿哥（指林一峰）有時都會笑我肥，但佢唔係惡意嘅，如果佢聽到有人笑我，會挺身而出保護我。我阿爸一見到我就會好開心，所以我唔覺得肥有任何問題。」
二汶強調這本書絕對沒有任何減肥餐單，她說：「大家唔好誤會呢本書係教你減肥，入邊一個減肥配方都冇，我自己一陣都去做運動。」
採訪：李珮洳 攝影：陳慧安
髮型：Eve（Chin.G） 化妝：KrisWong