人黑有好多種層次，畢傑呢種係賽前有做功課，但被臨場嘅非預期變化（球證誤判或烏龍球）所害；我唔係搵藉口，我仍然要為早前嘅推介向讀者致歉。今期揀個半冷門，揀兩支各有目標嘅伯明翰及愛華頓合演入球騷。畢傑
一隊伯明翰（17位）要護級，一隊愛華頓（5位）要爭前4歐聯資格，大家可鎖定兩者唔係打緊風流波，既然和局對雙方都冇着數，爭勝心唔使懷疑。
伯明翰主場好進取
伯明翰距離尾3嘅保頓只剩4分，必把握每場主場出擊嘅機會，麥法頓雖仍上陣成疑，但好波之人卡普經已傷癒會正選披甲，而阿根廷小將莫路沙拉廸近期又腳風順（3場入3球）。事實上，伯明翰主場攻力絕對見得人，對上4戰轟入10球，包括3:1贏曼城、4:1贏熱刺及2:2和阿仙奴等，反映喺聖安德魯球場，佢哋踢法明顯較進取。
愛華頓爭前4鬥心足
前線有入球能力，奈何防線始終難免失球。今周列治維雖停賽復出，但輪到中場戴文莊臣要坐波監；至於踢斷阿仙奴伊度亞度達施華隻腳嘅馬田泰萊，又因傷將要缺陣，失球應該陸續有來。
愛華頓方面，上場對住已篤定降班嘅打比郡踢得相當差，久攻之下先由奧士文一箭定江山小勝。拖肥糖之前攻力稍降，源於安祖莊臣（AJ）早排受傷，搞到領隊莫耶斯焗住冇得變陣，要耶高保打單箭頭；𠵱家AJ傷完踢咗一場，相信操起咗再拍住耶高保，入球數字會慢慢升番。
愛華頓目前只差第4嘅利物浦3分，而對手又啱啱入咗歐聯4強，喺聯賽有可能分心，係拖肥糖搶前4嘅良機。既然兩班波都有全取3分的必要，我估入球唔會少，2.1倍「大」夠晒分頭。
早飛王貼士
星期六20伯明翰vs愛華頓
首選：伯明翰大（2.1）
次選：伯明翰（下）
冷選：伯明翰和2:2（13）