吳彤日前為新歌《距離》拍攝MV，今次找來李蘊任女主角，導演沿用周杰倫執導的電影《不能說的，秘密》的橋段，大玩時空交錯。吳彤說：「個古仔講我同李蘊其實喺唔同空間，但李蘊就唔知，佢暗戀我呢個鋼琴老師，成日吸引我注意，但因為根本喺唔同空間，所以我唔知道佢嘅存在。」二人同是04年出道，早前在一個首映禮上才再見面，吳彤乍見對方長得成熟，嚇了一跳，因在他心中，李蘊仍是當年12歲的小妹妹。
李蘊今年會考
為了配合MV中的學生角色，李蘊專誠買了一套新校服，她說：「我覺得自己學校嗰套冇咁靚，所以買另一套，點知原來同吳彤家姐當年嗰套係一模一樣。」今年要會考的李蘊，現正努力溫習，吳彤得知不忘鼓勵她，至於MV內有沒有特別對手戲？他說：「就係我哋四手一齊彈琴囉！」
採訪：麥佩儀