車路士門將施治呢兩年真係行衰運，上季撞傷頭骨搞到以後比賽要戴頭盔，周一操練就畀賓希姆踢花塊面，結果要縫成50針，好彩佢早早結婚，唔係實擔心死阿媽啫！周二歐聯比賽後備門將古廸仙尼受傷之下，領隊格蘭要施治提前復出，於是職員急急準備面罩，等佢笠住比賽。呢個施治原本戴頭盔已出位，第日戴面罩成個飛虎隊咁，就認真騎呢！唔知第日開波或半場前，球證使唔使除開面罩，Check究竟係咪真身呢？