古天樂前日傍晚和張艾嘉，到香港薄扶林演藝學院出席新片《一個好爸爸》的學生講座，吸引過百學生參與，場面熱鬧。古仔表示今次是第二次出席類似的講座，心情有少許緊張，他笑說：「我冇乜準備㗎，係Q&A性質，煮到嚟就食。」古仔指有朋友看完《一》片後，向他表示前半段情節搞笑，後半段則十分感人，問他會否再同張艾嘉及劉若英合作？
古仔表示：「張艾嘉𠵱家搞緊劇本，未定㗎。至於劉若英，其實香港可以用嘅演員唔多，再合作都唔出奇，大家都有默契。」
支持兒子拍拖
提到是否滿意《一》片？張艾嘉表示自己已經盡了力，暫時未有開拍續集的計劃，但她透露18歲的兒子Oscar十分喜歡該片，張艾嘉說：「佢話套戲好笑，係拍畀男人睇，佢仲鍾意套戲多過我。」
至於Oscar被影到和女朋友出街，張艾嘉稱：「佢哋只係同學，咁大個仔管唔到，如果拍拖就講畀我聽啦！」
採訪、攝影：何永寧