泳兒、鄭希怡、關智斌（Kenny）、混血女模CaraG.及母親等，前晚在中環出席中國盃帆船賽酒會。日前入稟控告梁洛施毀約的英皇娛樂，其老闆楊受成也有出席，但沒接受傳媒訪問。
「個鼻大咗」
泳兒自爆日前做完鼻子手術，她說：「我鼻夾骨過大，鼻中骨歪咗，所以要做手術。今日係手術後第六日，仲要唞多一個星期。做完手術後，條氣唔順，𠵱家仲有啲後遺症，成日流鼻水、咳血，仲冇乜嗅覺、味覺，個鼻塞完棉花，連鼻都大咗。」這手術容易令人聯想到整容，她說：「整容係整靚，整大個鼻就係失敗啦。」
至於Kenny日前捧場睇緋聞同性密友張敬軒的演唱會，問他怎看軒仔的表現？他說：「佢一向講嘢都叻，講多謝都誠懇過人。」
採訪、攝影：梁錦雯