賭王何鴻燊三房的17歲女兒何超蓮，樣子清純可人，成為ball場新美女。賭王昨日就驕傲自讚何家太太及何家女兒都靚女，但對超蓮入娛樂圈及拍拖不表示支持謂：「最緊要讀書。」
賭王何鴻燊妻妾多，近期三房更成風頭躉，三姨太陳婉珍所生的17歲女兒超蓮，清純又越來越標致，上周亮相東華ball，美絕全場，昨日更有消息指超蓮引來英皇、大名娛樂等多間經理人公司虎視眈眈。
四太附和讚靚
任保良局總理的四姨太梁安琪，昨日在銅鑼灣保良局總局，出席新一屆就職典禮，賭王也有捧場，但兩人所生的子女就沒有到場。賭王對超蓮被報道指「超索」聽得一頭霧水，後來才說：「呢啲係新名詞，我都唔識，我哋個年代唔識，不過佢都係靚女嚟。」更忍不住說：「我啲女又靚，啲太太又靚。」在旁的四姨太都認同超蓮靚女。
問賭王可批准超蓮入娛樂圈，他則說：「𠵱家讀書最緊要。」提到超蓮也有拍拖，他不大贊成說：「太早拍就唔支持喇，佢17歲女都未夠，太早唔好喇！」至於超蓮日前接受傳媒訪問時，卻自認不是太靚，更被母親指她口大，她又透露拍拖只能拖手，嚴禁當街kiss，平日禁蒲酒吧、隨街亂逛及衣着暴露等，規矩多多。
此外，新一屆保良局總理包括蔡志明太太蔡李惠利、化妝品連鎖店莎莎老闆娘郭羅桂珍和林樂蓓等。蔡李惠利的長女蔡加敏下月底分娩，首次做外婆的蔡太說：「好開心，當年自己湊仔女就辛苦啲，𠵱家係欣賞、玩BB，心情唔同。」她又謂外孫女的名字會留待男家改。
排18年做主席
主席劉陳小寶卸任，問其胞妹陳細潔何時升主席？她說：「我要排18年，因為家姐當年做，中途又沙士又金融風暴，好多人走，𠵱家市況好，人人爭住做，有排排隊。」
採訪：LawWaiMan
攝影：MatthewLam
打賞小八卦：醒獅舞走賭王二千元
賭王何鴻燊出手一向闊綽，開開車門都給一、二百元貼士。昨日保良局就職禮，大會安排醒獅表演，兩隻獅子可能也「聞」到賭王的闊佬味，舞到中途走到賭王面前，左舞右舞，賭王也很醒目，隨手拿了兩張金牛，打賞$2000利是。
