一個多月前，醫生問：「感覺到BB踢你未呀？」「唔知嗰啲係唔係呢，有時我覺得右下腹好似有啲抽住；老公又話好似摸到BB心跳喎……」醫生笑着：「呢啲係你自己嘅心跳啫！」同期的朋友說感應到了，BB踢完仲有餘震呀……一般第一次懷孕至5個月應該感覺到BB的郁動了。
踏入21周的某一個午後，哎呀，好似有人踢我的肚，然後，一次又一次的，我想，這就是我和小生命之間的第一次接觸吧！接下來的日子，BB的動作越覺明顯了。老公急不及待的去感受，只是每次他觸及我的肚皮，BB又停了，他失望似的。
前幾晚，他把頭貼近肚皮，突然BB在踢呀踢，是有餘震的。「BB頭先係咪郁呀？」我笑着點頭，「Yeah，我感覺到啦，好得意呀！」這就是準爸媽最幸福的一刻。
個人資料
大肚Polei：
結婚年幾，從前唔恨亦唔想生仔。因為怕痛怕煩怕地球好快會末日。突然身邊幾個朋友玩大肚，突然心血來潮好想做媽咪。