最近傳聞鄭大班吹雞、叫班有錢人夾份搞嘅富貴電台，想羅致精電（710）CEO蔡東豪開咪，而且仲吹到好行好堅咁，不過當事人噚日親口話「唔會」，點解？因為好忙囉！咁就可惜，話唔定蔡生會因為咁多一班粉絲，皆因靚仔幾時都係着數啲。
喺上市公司一班CEO、COO，以至主席之類嘅高層嚟講，蔡生都算係數一數二「俊」！唔係華華講㗎，噚日精電業績會完咗散band後，一班記者喺𨋢度，唔係談論精電業績得唔得，而係有幾個小妹妹輩行家，異口同聲話蔡生「掂」，俾華華聽到啫！
查實華華前後去過兩次精電記者會，都有發生呢個情況，睇怕蔡生真係可以諗諗，撈埋娛樂圈嗰瓣囉！