渣打集團(2888)執行董事狄朗華(MikeDeNoma)有「鐵人」之稱,家吓駐守新加坡,佢喺「零售銀行家國際2008全球大獎」中被選為「最佳零售銀行家」,而渣打銀行亦都同時成為「亞洲最佳零售銀行」。
講開狄朗華嘅威水史,唔可以唔提05年時,渣打以33億美元臨尾揮低獅子行,成功收購韓國第一銀行(現稱StandardCharteredFirstBank),呢單刁唔止擴大咗銀行亞洲業務,亦係渣打逾百年以嚟最大單嘅併購,而狄朗華就係當中主力策動人!
話狄朗華係「鐵人」亦冇花冇假,佢除咗年年都嚟香港跑馬拉松,仲係06年復活節參加過為期6日嘅MarathondesSables,橫越撒哈拉沙漠嘅馬拉松賽事。
為咗挑戰自己,佢又專登學游水去參加三項鐵人賽。運動了得之餘,狄朗華仲好鍾意小朋友,現實中佢係多仔公,屋企有6個仔女。