劉美君將於本月19及20日舉行兩場「劉美君大開色界PrudenceLive08」演唱會，昨日她到九龍城為個唱綵排，演唱會嘉賓草蜢和林海峰（阿Jan）更即場大展舞姿，表現得甚為興奮。
草蜢玩互𠝹
劉美君接受訪問時自爆個唱服飾有機會「露股」上陣，她還透露今次她和阿Jan會有「破處」的演出，不過她就大賣關子說：「唔會有辣身，我驚彭羚打我，但阿Jan咁畀面，我就會送啲嘢畀佢揸手，就係實力股。」而得知有幸獲得「實力股」的阿Jan就抵死說：「呢啲唔可以亂咁入市，要睇定啲先決定長揸定短揸，我今次喺舞台上都係盡地一煲，可以話用手兼用口。」
草蜢亦不甘示弱，到時會在舞台上與劉美君互𠝹，期望可以𠝹爛對方的衣服，蔡一傑說：「我哋要將劉美君分屍，想摸邊就邊，唔係三個就好難分得勻，我哋平時被人叫妖人，今次終於遇到隻妖精。」
採訪：駱華齡
攝影：仇志德