廖碧兒同鄭嘉穎噚日喺跑馬地宣傳愛彼錶女皇盃活動，廖碧兒今次仲包辦設計，設計咗一個八角形嘅飛馬襟章㖭，佢話呢個設計諗咗成兩個月。講開有傳無綫因為佢合約就滿，準備雪藏佢，廖碧兒話：「未約滿啩，仲有好多年，我跟住落都仲有好多工作。」不過身邊助手就承認廖碧兒因為腰傷，所以拍完劇會休息一輪。