前晚護膚品牌MTM在金鐘港麗酒店舉行宣傳活動，出席嘉賓包括張燊悅、黃美儀、羅霖及應采兒等。同樣被傳身懷六甲的張燊悅與黃美儀同場出現，張燊悅身穿鬆身裙配四吋高跟鞋，當記者向她求證大肚一事？張燊悅笑說：「我冇大肚呀！只不過𠵱家興着鬆身衫啫。我瘦咗成五磅，瘦啲上鏡靚啲嘛！多數啲老公都鍾意老婆肥肥哋，老爺奶奶就鍾意抱孫，不過佢哋冇催我，等我養好身子先至算，𠵱家過吓二人世界先！」
黃美儀力證冇肚
此外，龐維仁的前妻黃美儀，同樣被傳與前夫復合並且懷有身孕，黃美儀前晚穿上一條裙並束有腰帶，面對懷孕傳聞？黃美儀強調：「所以我咪着貼身衫嚟，刻意畀人知道我冇大肚囉！大家唔好再誤會，我𠵱家冇感情生活，多謝大家關心！」至於與應采兒談到其男友陳小春受傷，她說：「我冇見過佢，不過知佢冇事。」她透露近日忙於睇樓，因為她希望年底置業。
採訪：王崇穎 攝影：仇志德