向來好怕飲有氣礦泉水SparklingWater，因為總覺有陣苦澀味，氣太多又會谷住。每次出Trip要去呢啲歐洲泉水王國，簡直就係噩夢，直情想放一箱蒸餾水落篋。不過朋友Angie最近經常約我下午High水唔HighTea，極力推介飲法國水王Chateldon，連皮膚都滑埋。價錢幾High都冇所謂。靚喎！唔飲都唔得啦。
攝影︰陳陶鈞
http://appleblogpaper.blogspot.com
aboutme:
Hallowina
超級饞嘴，相信幸福是吃一隻帶海水鹹味的肥美生蠔，滿腦都充滿美味食物，曾想過為好味的海鮮而移民澳洲，不過怕曬所以放棄。偏偏食量與身形不成正比，經常被人勸食多，實情係每日以優質食糧「餵飼」，胃部容量深不可測，可比黑洞。
皇帝御用水王Chateldon
Angie一向愛相約HappyHour落蘭桂坊飲紅酒，早兩日竟然話要去bubblesbar嘆下午水而非下午茶。問佢點解突然轉性，佢話早排飲過貴價礦泉水，一飲上癮之餘皮膚都滑咗，令我心郁郁睇吓有無咁誇。Angie坐低便以法文叫了一支Chateldon。紅酒以產地、年份分級別，水雖然沒有出產年份，但原來不同產地的礦泉水亦有不同的味道、成份。Chateldon來自法國同名的小村落，1650年開始被製作成樽裝水出售，是法國國王路易十四的最愛，當年只有皇室貴族先有權飲用。就算今時今日，都唔係度度有得賣，呢支水中之王只有喺米芝蓮三星餐廳先飲得到。由於我對SparklingWater始終有戒心，所以只嚐一小啖，發覺水質極為輕柔，氣泡極為幼細，要非常留神先感覺得到。冇了我一直覺得存在的泉水苦澀味，反而有淡淡的鹹味留喺口中。
40隻水40種味
一口Chateldon令我對有氣泉水的印象改觀，我哋快快翻開WaterList，一睇原來有40幾隻唔同牌子的礦泉水。問bubblesbar的經理Bobby是否每隻水都有唔同味道，佢話：「礦泉水有來自地底深處，亦有來自冰川雪山，含有豐富的礦物質。而每隻牌子礦泉水的產地令礦泉水的成份有所不同，會影響水的味道，有不同濃度的鹹味。我哋通常飲到的鹹味係來自鈉（Sodium），鈉含量多少而影響鹹淡濃度。」她再推介我哋試另一隻法國水Badoit，果然無Chateldon咁鹹，不過氣泡就更細更滑，幾乎感覺唔到，飲後口腔內仲保持濕潤感。我哋再叫咗一支無氣的日本溫泉水比較，發覺質感的確較嚡，口腔很快變亁。
飲水又滑又醒神
我同Angie兩人越飲越興奮，冰凍的SparklingWater入口真係非常醒神，問Bobby有氣泉水是否最好凍飲？「我通常會將水放入雪櫃冷藏至攝氏4度左右，因為呢個溫度最接近地下泉水的清凉溫度，希望可以令水跟原味最似。」原來Bobby11年前嚟香港工作時，怕水土不服而開始轉飲樽裝水：「香港水有陣味，所以只飲樽裝水。做完運動後飲一大支，冲走體內的Toxic，簡直連皮膚都會滑啲﹗」雖然我唔覺香港水有咩問題，但望落Bobby塊臉，睇嚟所言非虛，連Angie都感到皮膚滑咗。Bobby仲話疲累時飲咖啡都唔及飲水咁提神，放一片青檸一齊飲會好Refreshing。bubblesbar每送上一支水，都有青檸、橄欖，因為橄欖可刺激味蕾，試出水的真味。其實閒時都唔需要飲咁貴，去超市買支Fiji一樣夠天然。雖然口感未及Chateldon幼細，但比一般水都滑好多，也算是又平又靚的選擇。
查詢：bubblesbar（21136051）
尖沙嘴海港城太子酒店大堂
最新回應
Annie：飲水之餘我仲鍾意儲樽，早排由時裝大師ChristianLacroix設計的Evian08年限量版MerryCouCou雲裳瓶，就係我心頭好
Kathy︰全世界最貴的水是新西蘭的420Volcanic，從地深火山岩層中抽取出來，每公升要$800。
相關超連結
http://www.finewaters.com/default.asp
由《FineWaters》作者MichaelMascha所寫的網頁，內有不同牌子樽裝水的介紹，包括歷史、成份及售賣點等，更研究地理差異對水的影響，更會教人如何用水配搭不同菜式。
