【本報訊】一名男子昨凌晨在元朗一間卡拉OK遭20多名惡漢圍毆，並以關帝像扑頭襲擊，多部警車趕往現場途中，遇上一名私家車新牌仔，他疑經驗不足，在警車尾隨下方寸大亂，更意外撞跌警方一部電單車，幸警員僅受輕傷。新牌仔表現慌張，不停追問警員：「係咪要扣分㗎？使唔使上庭㗎？」
記者：區恩傑
血案發生於教育路一間卡拉OK，昨凌晨2時許，姓林（23歲）男事主與友人在卡拉OK內消遣期間，與另一批顧客發生激烈爭執，但雙方未有進一步衝突。
警往查遭新牌仔撞傷
未幾事主先行離去行經接待大堂時，遇上該批男子再度爭吵，混亂中事主遭對方20多人圍毆，有兇徒更拿起大堂神枱上一個高一呎關帝像扑向他，當場頭破血流，兇徒傷人後逃去，傷者由女友陪同送院治療無礙。
血案發生後，多名警員分乘一部警車及兩部電單車趕往現場，三車沿教育路行駛至距離現場400米西裕街路口遇上意外。
當三部警車先後沿教育路行駛時，前面一部由姓高（21歲）新牌仔駕駛豐田Echo私家車，司機疑經驗不足及曾飲酒，遇上響着警號警車尾隨駛近一時慌亂，私家車突然路中死火，尾隨駛至警車及一部警員電單車即時繞過，但另一部警員電單車擬從右邊繞過時，新牌仔同時再撻車，將車駛入西裕街避開。當他撻匙加油，私家車疑已入檔失控衝前，猛撼剛駛經車前警員電單車，電單車被撞前4米倒下，幸姓鍾（33歲）警員僅受輕傷，送院敷藥後出院。
意外後，新牌仔擬將車駛往路旁但因驚魂未定，私家車卻突然衝前，嚇得警員急忙避開，最後由警員代勞泊車。新牌仔被驗出曾飲酒但無超標被警告，他表現緊張，又不停向查詢警員他須負的責任，要警員反過來安慰。