鍾舒漫和周柏豪主演的青春電影《愛情萬歲》下周四上映，二人前晚亮相《蘋果》網站直播節目《娛樂開CHAT》，大談對愛情的看法。鍾舒漫和周柏豪合作後成為好友，究竟他們可有機會發展成為情侶？鍾舒漫說：「我好欣賞柏豪嘅氣質同內涵，我平時有睇佢個blog，佢個腦有好多嘢，不過佢太有型靚仔，同佢一齊好冇安全感，日日會生活喺恐懼當中。」大家可登入《蘋果》網站 http://ent.appledaily.com隨時重溫節目。 採訪：懷鈺 攝影：林德雄
屋企人叫我儍仔 貝兒
貝兒：我知道你呢部《愛情萬歲》入面有首新歌《儍小子》，首歌嘅靈感嚟自邊度呢？
周柏豪：靈感嚟自套戲囉，其實都係圍繞住個角色去寫呢隻歌，都算係度身訂做，我同公司都幾滿意，而且幾有成功感。
貝兒：點解會用《儍小子》呢個歌名呢？
周柏豪：因為個角色比較儍囉，唔鍾意同人解釋，令到身邊嘅人同以前嘅女朋友誤會，所以就叫做《儍小子》喇。另外，我啲屋企人由細到大都叫我「儍仔」，所以就改呢個歌名囉。
盼男友寫歌示愛 Yan
Yan：我想問吓鍾舒漫，如果現實生活中，好似《愛情萬歲》咁，你男朋友陳柏宇寫個歌譜畀你，你會點呢？
鍾舒漫：我會好sweet，好開心，其實我都鍾意男朋友識得創作，如果識寫歌，佢又寫一隻歌送畀我，或者對我有啲愛意表達，我都會好sweet。
