電影《風雲II》拉隊到泰國拍外景，謝霆鋒同張栢芝成為焦點人物，有份拍攝嘅主角郭富城（圖）同鄭伊健就被冷落。噚日早上6點幾，頭耷耷嘅城城低調開工，佢出現喺下榻酒店嘅停車場時，保密嘅新髮型都曝埋光，原來佢兩鬢鏟青，頭頂髮絲好似一個蓋，一撮髮尾屹起，相當新潮；半個鐘後伊健出現，見佢心情唔錯，仲笑容滿面㖭。