應采兒　愛紋身

Rock'n'Roll狂野不羈、滿身紋身圖案的形象，不是新鮮事，皆因男裝早已經玩到熟爛，不過這種元素並不是只有在麻甩Band友身上件Tee搵到，主打搖滾風格的美牌Crash&Burn，女人個性大晒，最新清一色有型春夏季女裝殺到香港，品牌忠實用家應采兒（丁丁）今次就親身演繹這個反叛性感型搖滾女！

記者：葉雪芯
攝影：黃子偉

鍾意佢夠Sexy

平日形象青春可愛的應采兒（丁丁），估佢唔到，原來十分鍾情這種野性反叛的Style，撐咗Crash&Burn多年，由美國讀書時已經捧場：「我就係鍾意夠Sexy，不過呢種Sexy唔係袒胸露背，而係骨子裏的性感。因為佢啲圖案設計不是一般字款Tee或者Graphic咁簡單，有點野性的紋身圖案，而且洗水效果好有Rock'n'RollFeel，在美國讀書時已經買，返到香港早幾年無得賣，較難搵，要特登去美國買，𠵱家慢慢開始有店舖入貨，價錢又合理，唔使搵得咁辛苦。」平日出席公開場合丁丁也常一身Crash&Burn示人，雖然只是Tee、背心、OnePiece裙，不過丁丁就話絕對出得大場面：「有些Cutting好Sexy好吸引人，例如DeepV、入膊、Top等，顏色好搶眼，粉紅底色襯金色Print圖案，平時出Show影相最啱！」咁百搭，唔怪得可以得到丁丁歡心。

■白色DeepV有帽上衣$850

■丁丁平時出席公開場合都有穿Crash&Burn，多數襯短褲或短裙，勝在顏色Sharp，夠晒搶鏡，性感形象，梗係吸引攝記影多幾張相！

港美女星殺手

搖滾狂野性感，Crash&Burn在美國十分受歡迎，星級撐場的有壞女孩名媛代表ParisHilton，香港一樣有不少Fans，其中楊怡、Rosemary和應采兒等都係擁躉，出席場合都以一身Crash&Burn作打扮。

■桃紅色毛巾質料Top$850

■啡色洗水DeepV連身裙$1,150

■ParisHilton經常着住Crash&Burn行出行入，今季她就選中DeepV有帽衫。

■Rosemary身材出名好，穿上Crash&Burn貼身Tee，女性線條盡Show。

■Crash&Burn真係女星殺手，楊怡都愛其貼身Tee。

大賣美式S身形

美牌Crash&Burn，少玩Details，沒有多餘繁複綴飾，以CasualWear為主。不要以為Tee背心短裙好普通，Crash&Burn卻玩得很有風格，以野性的搖滾音樂和Tattoos做靈感，圖案設計搶眼，帶點反叛個性。美牌一向主張舒服，Crash&Burn亦不例外，以洗水效果著稱，質料柔軟而薄，今季還加入了毛巾質料，好有陽光沙灘Feel。Cutting方面比較貼身性感，擅長表現女性身形線條，好美國Style。